Gilungkab ang usa ka coffee shop sa usa ka iladong content creator nga si Rowell Divina sa Toril, ning dakbayan sa Dabaw.
Subay sa post niini, nagpadayag kini sa iyahang kabahin, nunot pa man sa iyahang kasuko niini, nakaako na lamang siya nga magpasiaw aron nga masuya matud pa ang mga nanglungkab sa iyahang coffee shop.
Sumala pa niini nga nameresi ra matud pa ang mga kawatan gumikan wala matud pa silay halin, maong wala sab silay nadawdaw bisan piso.
Lakip sab sa giyawyaw ni Divina ang kabahin sa nahabiling kakatag sa ilahang coffee shop, matud pa nga gitagaan lamang sumala pa siya og dugang limpyuhonon sa mga tapulan nga kawatan ug sagbot sa katilingban.
Subay sa ulahing post ni Divina, nagpa blotter na kini sa kapulisan aron matumbok og si kinsa ang responsable sa maong pagpanglungkab.
Wala sab napugngan sa pipila ka mga netizen nga mabalaka, gumikan na usab sumala pa sa sunod-sunod na nga mga natigayong mga kriminalidad sa dakbayan sa davao, partikular na ang pagpanglungkab.
