-- ADVERTISEMENT --
Nagpadayon karon ang gihimong imbistigasyon sa kapulisan sa dakbayan sa Tagum human sa nahitabong pagpanglungkab sa usa ka Coffee shop nga nahimutang sa Seminary Drive, Brgy. Magugpo West, Tagum City.
Subay sa report sa kapulisan nga kaadlawon kagahapong adlawa gilungkab ang Kapekol Coffee Shop sa nasampit nga lugar sa mga kawatan.
Sumala pa, gipugos sa pag-abri ang rollup door sa pagguba niini hinungdan nga nasulod kini sa mga suspetsado.
Atol sa maong panghitabo nakuhaan kini ug CCTV ang gihimong pagpanglungkab sa mga nahisgutan nga sa karon ginasuta pa sa mga otoridad kung kinsa kining mga suspek.
