Naka-heightened alert status na Coast Guard Southeastern Mindanao alang sa posibleng mga epeko sa pag-ulan gumikan sa mga nasinatiang kadaot sa panahon sa rehiyon.
Sumala pa sa tigpamaba sa maong buhatan nga si Commander Angela Tobias, nga nakastand by na ang ilang mga personahe alang sa deployment sa higayong kinahanglanon ang ilang pagserbisyo sa katawhan.
Kabahin niini, ginadungagan na nila ang ilang mga personahe hilabi pa s amga Coast Guard Substation sa Region XI.
Hinoon, gikanayon sa opisyal nga walay angay kabalak-an sa panahon sa dagat ning kasamtangan.
Sa pikas bahin, gikanayon ni Tobias nga padayon ang ilang ginalusad nga programa nga makatabang sa ilang mga personnel susama na lamang sa life guard training sa Davao Oriental.
Matud pa nga dakong tabang kini aron malikayan ang mga drowning incidents.
Kalakip sad sa ginahimo karon sa buhatan mao ang pagtabang sa LTO sa kadalanan bisan paman sa daghanang negatibong nadawatan online lakip na usab ang paglusad sa National Disability Week nga nagsugod kagahapong adlawa.
