Gipaklaro ni Davao City Mayor Sebastian Baste Duterte, ang kalahian sa ginabuhat sa mga politiko karun ug ang ginabuhat sab sa lokal nga panggamhanan dinhi sa Dakbayan sa Davao, labot sa hisgutanang serbisyong medikal.
Sumala pa sa Mayor nga layo ra sumala pa ang kalainan, gumikan ang ginabuhat matud pa sa mga politiko karun mao ang paggamit sa pundo nga alang sa medikal nga hinabang ngadto sa pagpamulitika, nga inay ang mga tawo maoy muduol largo sa mga nagkadaiyang mga health offices dinhi sa nasud aron nga maka-discount sa mga hospital bills, sa mga politiko na man hinuon kini muderetso.
Gihimong pananglitad sa Mayor ang Lingap Program dinhi sa dakbayan, diin ang pondo alang sa maong programa, diretsu nga ginahat sumala pa ngadto sa mga nagkadaiyang health offices, aron sila na sumala pa ang mag apod-apod ngadto sa mga tawo.
Busa, tataw gayud nga ang mga tawo mudiretsu gayud kini og duol ngadto sa mga health offices aron nga maka-avail sa hinabang medikal, inay nga muagi kini sa kamot sa mga politiko.
Nahimo kining pamahayag sa Mayor, human sa nahimong desisyon sa Bicameral Conference Committee labot sa pondo sa PhilHealth, nga maoy usa sa ginasaligan sa kadaghanang Pilipino, labot sa hisgutanang benipisyo sa medikal.
