DAVAO CITY – Nakatala karon ang Department of Health (DOH)-Davao region ug clustering sa kaso sa mga nagkadaiyang variants of concern sa coronavirus disease (COVID-19) kalakip na ang Delta ngadto sa mga close contacts sulod sa tagsa-tagsa ka mga pamilya.
Sumala pa kang Dr. Rachel Joy Pasion, head sa Regional Epidemiology Surveillance Unit sa DOH-11, nga ang clustering sa mutated viruses sa SARS-CoV-2 ang gilaoman na gumikan kay paspas sab nga mokatag ang infection kung itandi sa orihinal nga virus.
Gikanayon ni Pasion nga mayorya sa mga variant cases ang natala sa rehiyon ang Beta apan gikabalak-an karon gumikan kay nagkataas ang kaso sa mas makatakod nga Delta variant.
Una ng nasayran sa ahensiya nga tungod sa taas nga ihap sa kaso sa Covid-19, ang dakbayan sa Davao ang epicenter karon sa pandemiya sa Mindanao tungod sa kapin 37,000 ka kaso uban ang kapin 5,000 ka active, 31,126 recoveries ug kapin usa ka libo ang namatay.
Kahinumduman nga pipila sa mga natakdan ug delta variant sa covid ang mitambong ug sabong nga hugtanong gidili karon gumikan kay sagad kini ang nag-unang hinungdan sa pagtakod-takod o transmission sa kagaw.
