Subling gitugutan sa Bureau of Fisheries and Aquatic Resources (BFAR) ang mga commercial fishers nga makapangisda ug isdang sardinas sa mga kadagatan nga nahisakop sa Zamboanga Peninsula.
Kini homan sa pagdeklara sa BFAR nga natapos na ang closed fishing season partikular sa mga kadagatan sa East Sulu, Basilan straight ug Sibuguey Bay.
Kahinumduman, gideklara ang tulo ka bulang ban sa pagpanguha ug sardinas sa nahisgutang mga lugar nga nagsugod niadtong Nobyembre sa nakalabay nga tuig.
Ang pagpatuman sa ban niadtong milabay nga tuig, aron mahatagan ug panahon nga makapangitlog ug mupadaghan sa mga isda sulod sa 6,000 square nautical miles conservation zone.
Samtang, gitugutan na usab pagbalik ang mga commercial fishers nga mangisda ug mga sardinas, herrings ug mackerels sa mga conservation area sa kadagatan sa Visayas Sea.
