DAVAO CITY – Giila ni Pangulong Rodrigo Duterte nga problema na sa pang-adlaw-adlaw nga kinabuhi ang Climate Change.
Kini ang unod sa iyang pahayag atubangan sa mga Health Ministers sa pipila ka mga nasud sa Asia-Pacific Region sa gipahigayon nga opening reception kagabii sa usa ka hotel ning dakbayan.
Dugang sa Pangulo, kinahanglan ang pagtinabangay sa mga nasud ilabi na sa mga miyembro sa APHIC o Asia Pacific Healthy Islands Conference 2018.
Nanawagan sab ang Pangulo sa mga gobyerno nga sakop sa Paris Agreement on climate change nga ihatag ang ilang obligasyon sa pagpaubos sa global temperature increase to “well below” 2 degrees Celsius.
Gikatingala sab ni Pangulong Duterte ang pag-atras ni US Pres. Trump sa Paris Deal Agreement.
Ang APHIC tulo ka adlaw nga aktibidad nga tumong nga hisgutan ug masolusyonan ang suliran sa panglawas sa tawo nga hatud sa hatid sa Climate Change sa rehiyon nga gitambongan sa mga Health Ministers ug mga nasud Fiji, Kiribati, Marshal Islands, the Federal State of Micronesia, Nauro, Palau, papua New Guinea ug Tuvalo.
Ang mga nasud Pilipinas ang host karung tuiga diin dinhi sa dakbayan ang ilang napili nga lugar.
Samtang luyo sa mga imbitasyon kaniya ni Presidente nga moadto sa Amerika, imposible sumala pa kini nga mahitabo ilabi na nga wala na matud pay katakos ang iyang lawas nga makapabiyahe pa ug layo.
