DAVAO CITY – Nagpahimangno ang lalawigan sa Davao de Oro ngadto sa mga motorista nga maghinay lamang sa pagbiyahe human nga adunay nasinatian nga pagdahili sa yuta sa pipila ka bahin sa lugar.
Kahinumduman nga nagpadayon ang gipahigayon nga clearing operation sa dalan sa Camanlangan paingon sa Maragusan ingon man sa National road sa Montevista human ang nasinatian nga landslide nga mitabon sa kadalanan hinungdan nga apektado ang mga motorista nga mulatas sa lugar.
Gilayon sab dayon nga nagpadala ug mga ekepahe sa maong dapit aron nga makapahigayon gilayon ug clearing operation.
Nasayran nga ang pagdahili sa yuta ang hinungdan sa sunod-sunod nga pag-ulan sa maong lugar ug sa pipila ka bahin sa Davao region sa milabay nga adlaw.
Gipasalig sa ahensiya sa Department of Public Works and Highways (DPWH) nga ma-ablihan gilayon ang dalan aron nga dili maapektohan ang dagan sa motorista sa nahisgutan nga dapit.
