DAVAO CITY – Nagpadayon karon ang gipahigayon nga clearing operation sa Oregon Integrated School sa Brgy. Oregon, Governor Generoso, Davao Oriental human nga dyutay kining natabunan ug yuta gumikan sa nahitabong landslide sa lugar.
Sumala pa kang Jason Bendulo, head sa Governor Generoso Municipal Risk Reduction and Management Office (MDRRMO) sa Davao Oriental tungod matud pa sa nasinatian nga mga pag-ulan sa lugar ang hinungdan sa paghumok sa yuta ug mihali kini paingon sa tulonghaan.
Hinuon wala sumala pay natala nga casualty human ang nahisgutan nga insidente gawas sa mga damyos nga natal sa pipila ka mga classroom.
Padayon sab ang panawagan sa Pag-asa Davao sa mga residente nga nanimuyo sa low lying ug landlslide prone areas nga mag-doble amping tungod sa padayong nasinatian nga mga pag-ulan hatud sa Inter-tropical convergence zone (ITCZ).
