DAVAO CITY – Andam na ang ipahigayon nga Earthquake drill sa dakbayan sa taliabot nga Hulyo 14 ning kasamtangan nga tuig. Gikanayong usa ka 8.2 earthquake scenario ang kabahin sa unang city-wide earthquake ug tsunami drill.
Matud pa kang Lyndon Ancajas, Training Officer sa City Disaster Risk Reduction and Management Office (CDRRMO), nga tumong sa maong lakang nga magbaton ug kaalam ang mga tawo ug dili na lamang magsalig sa mga response teams ilabi na panahon sa emerhensiya nga hinungdan sa natural calamities.
Gitataw ni Ancajas nga ang shake-out drill salmutan sa government responders, Davao City Disaster Risk Reduction and Management Office, Central 911, community, tinun-an ug mga miyembro sa simbahan.
Atol sa actual earthquake drill, ang mga sakyanan nga anaa sa tsunami-prone areas kinahanglan nga mohunong ug magpabilin sa daplin ilabi nga kabahin ang maong scenario ug “mass exodus” o pagdala sa mga tawo sa mas taas nga bahin.
Gitataw sab ni Ancajas nga matag establisyemento sa siyudad kinahanglan nga adunay Disaster Action team, nga maoy mosubay kung hapsay nga napatuman ang drill.
Nasayran nga mismong si Davao City Mayor Sara Duterte-Carpio ang nagsugoyt nga ipatuman ang city-wide drill human nga lima ngadto na sa unom ka mga aktibo nga faults ang nadiskobrehan sa siyudad subay sa report nga gipahibalo sa Philippine Institute of Volcanology and Seismology (Philvolcs).
Pipila niini ang nahimutang sa Tamugan, Dacudao, Lacson ug New Carmen.
