-- ADVERTISEMENT --
DAVAO CITY – Plano sa lokal nga panggamhanan nga makig-partner sa pet societies dinhi sa dakbayan sa Davao alang sa adoption sa mga saag nga mga iro nga madakpan sa City Veterinary Office dungan sa halos usa ka tuig nga pagpatuman sa Pet Adoption Measure.
Matud pa kang Konsehal Mary Joselle Villafuerte, nagkadaghan karon ang mga na-impound nga iro sa shelter nga nahimutang sa Carlos P. Garcia highway (diversion road).
Tumong sa maong lakang nga ma-awhag kadtong mga Dabawenyos nga mosagop inay nga mamalit ug iro.
Una na sba nga gibutyag ni Villafuerte, nga maoy nanguna sa committee on health sa City Council nga ang suliran karon sa anti-rabies vaccine nakaapekto dili lamang sa nasud Pilipinas kung dili lakip na sa uban nga mga nasud.
