Malipayon karon ang City Tourism Office (CTO) nga napili ang Davao chocolates isip token alang sa mga asawa sa mga ASEAN leaders. Ang multi-awarded Malagos chocolate nga gikan sa balwarte ni Pangulong Rodrigo Duterte ang napili isip token nga ihatag sa mga asawa sa mga leaders sa Association of Southeast Asian Nations (ASEAN).
Sumala pa ni CTO head Generose Tecson nga dakong tabang sumala pa kini aron nga mamahimong chocolate capital ang nasud. Una na nga nag-order si Honeylet Avanceña, ang common-law wife ni Pangulong Duterte ug 12 ka dosenang kahon nga gi-undan sa tulo ka sweetened dark chocolate bars, usa ka unsweetened chocolate gift can ug duha ka gagmay nga coffee cup.
Sulod sa kahon sa world-renowned sa Malagos chocolate adunay managlahing matang sa lasa o katam-ison ang dark chocolate bars. Adunay naka-lata nga gi-undan sa hexagon size na chocolate tablet, ang 100% na dark chocolate ginagamit sa hot choco sa mga cockies o baking. Mas dako sumala pa kini sa orihinal nga sukod ang mga chocolate bars ang ihatag sa mga asawa sa mga ASEAn leaders.
Sumala pa sa Kampo ni Honeylet nga buot niini nga maipakita pinaagi sa dyutay nga gasa ang katakos sa mga taga-Davao sa paggama ug tsokolate. Ang Malagos Chocolate nakadawat na ug pipila ka international awards sa kalidad niini. Kalakip sa mga international awards and recognition mao ang 2017 Great Taste Competition sa London, nga kung diin nagmadaugon kini ug duha ka mga awards.
Ang Malagos chocolates gina-export sa Japan, Thailand, Singapore, London, Australia, New York ug uban pamng bahin sa Estados Unidos.
