DAVAO CITY – Mitala ug pag-ubos ang ihap sa mga natakboyan ug Dengue sa dakbayan sa Davao sukad niadtong tuig 2016.
Pinasikad sa record sa tropical unit sa City Health Office (CHO) niadtong 2016 mikabat ngadto sa 4,770 ka mga dengue cases ang gikatala ug 29 sa mga biktima ang nangamatay.
Hinoon niadtong 2017 mi-ubos ang ihap sa mga biktima, diin nahimo na lamang kini nga 1,770 ug 19 na lamang ang nangamatay sa dengue.
Gumikan niini gitinguha karon sa CHO nga karong tuiga mas moubos pa gayud ang dengue cases sa Davao.
Kini pinaagi sa mas gidoble nga paningkamot sa tropical unit sa CHO sa pag-edukar sa katawhan kalabot sa pagbongkag sa breeding site sa mga lamok.
Target sa CHO nga karong tuiga wala’y matakbuyan sa dengue. Gisusi sab sa CHO ang mga dengue hotspots sa dakbayan, sama sa Barangay 76-A, Bucana ug SIR, ug Talomo area.
