City Disaster Risk subling nagpahinumdom nga mag-igmat tungod sa kusog nga mga pag-ulan

DAVAO CITY – Gipahimangnoan gilayon ni Alfredo Baluran, head sa City Disaster Risk Reduction and Management Office ang mga sakop sa Barangay Disaster nga kanunay mag-igmat  human ang kusog nga pagbundak sa kusog nga ulan kagabie.

Sumala sa opisyal nga pipila ka mga kadalanan sa dakbayan ang nakasinate ug pagbaha.

Usa sumala pa sa ilang gitutokan ang sitwasyon sa Matina river sanglit paspas sumala pa nga mosaka ang tubig baha sa lugar sa higayon nga kusog ang pagbundak sa ulan.

Gihangyo na lamang ni Baluran ang katawhan ilabi na kadtong mga nanimuyo daplin sa mga kasapaan sa siyudad nga motabang sa pagmonitor aron nga dali sab nga makaresponde ang ilang mga sakop ug paspas sila nga makaresponde panahon nga mokusog ang pagbaha.