City Council mihimo na ug lakang aron mapugngan ang pagsaka sa teenage pregnacy

DAVAO CITY – Gipasabot ni Konsehal Pamela Librado kung nganong nahimo nila ang pagduso ug resolusyon sa City Council nga mohimo ug mga lakang aron nga mapugngan ang  pagsaka sa  kaso sa teenage pregnancy.

Sumala pa kang Konsehal Librado, nga isip usa ka inahan  subo  matud pa nga pamalandungon nga  daghanang mga kabataan karon ang sayo nga mabuntis bisan nga wala pa kini sa husto nga pangidaron.

Makaalarma matud pa nga nagkabata na karon ang mga babaye nga mabuntis nga dili sab maayo sa ilang panglawas.

Kahinumduman nga dinhi sa Davao region, anaa sa kapin 10,000 ang natalang teenage pregnancy sa milabay nga tuig 2020.

Gani base sumala pa sa datus, adunay duruha ka 10 anyos nga babaye ang natala nga  nabuntis.