DAVAO CITY – Gi-aprubahan sa Davao City Council ang Rice Processing Center Ordinance diin tumong niini nga mapalambo ang produksiyon sa palay ingon man milling ug marketing milled rice.
Sumala pa kang Konsehal Ralph Abella, chairperson sa Committee on Agriculture ug author sa ordinansa, sakop sumala pa sa nahisgutan nga lakang ang post-harvest facilities, provision sa incentives ug subsidies ingon man uban pa nga suporta sa rice farmers.
Nagtoo si Abelle nga ang nahisgutan nga ordinansa makatabang arun nga makunhuran ang importation sa bugas gikan sa local ug foreign producers, makahatag ug insentibo ingon man suporta sa rice farmers ug masiguro nga mapalit sa tukma nga presyo ang humay sa mga mag-uuma.
Laraw sab sa ordinansa nga maka-contribute ug food sustainability ug security sa siyudad ang makunhuran ang presyo sa bugas.
Gikanayong ang insentibo ug suporta ang kalakip sa assistance arun nga palapdan ang mga areas nga gitamnan ug palay ingon man bag-ong areas alang sa palay production.
Muhatag sab ang lokal nga kagamhanan ug mga mahinungdanon nga ekipo alang sa cultivation sa luna ingon man paghatag ug semilya sa nagkadaiyang rice varieties.
Samtang ang mga mag-uuma ug entities nga anaa sa palay production ang hatagan ug farm inputs sama sa chemical ug fertilizers, paghatag ug real property tax reduction, ug access sa credit o grants.
Samtang sa palay production ug pagmugna ug rice mill, mandato ang City Agriculturist Office (CAO) kaabag ang City Planning Office sa pag-identify sa bag-ong areas sa lowlands ug uplands alang sa palay production.
