DAVAO CITY – Gikatakdang modawat og dul-an sa 300 ka mga estudyante ang City College of Davao alang sa academic year 2024-2025.
Muresulta ang pagdaghan sa mga estudyante sa duha ka shifts sa klase, partukular na sa buntag ug hapon, tungod sa limitado nga gidaghanon sa mga classroom.
Apan plano karon sa CCD nga magtukod ug 12 ka andana nga classroom building ug mo-hire og walo pa ka magtutudlo aron ma-accommodate ang nagkadaghang estudyante.
Magdawat na ang CCD og mga aplikasyon gikan sa Hunyo 3 hangtod 14, nga adunay mga screening nga himoon gikan sa Hunyo 17 hangtod 21.
Ang pagpalista alang sa mga freshmen gikan sa Hulyo 3 hangtod 5, ug alang sa mga old students gikan sa Hulyo 29 hangtod 31, 2024.
Ang CCD wala magdugang bisan unsang bag-ong mga programa, apan nagtanyag og Bachelor of Early Childhood Education (BECEd), Bachelor of Science in Entrepreneurship (BSEntrep), Bachelor of Technical-Vocational Teacher Education (BTVTEd) major in Computer Programming, ug Bachelor of Technical-Vocational Teacher Education (BTVTEd) major in Heating, Ventilating, Air Conditioning, and Refrigeration Technology.
Aron maka-apply, ang mga aplikante kinahanglang mosumiter og mga dokumento sama sa PSA Birth Certificate, bag-ong senior high school report card, ALS Certificate, Certificate of Residency, Income Tax Return (ITR), Certificate of Low Income, ug Certificate of Belonging to the Indigenous Peoples Group.
