DAVAO CITY – Tinguha karon sa regional office sa Philippine Drug Enforcement Agency (PDEA)-Davao sa paghimo sa Davao City Anti-Drug Abuse Council (Cadac) isip model sa hisgotanan sa paghatag ug inclusive services alang sa mga drug reformists ug epektibo nga pagpatuman sa programa sa tibuok rehiyon.
Sumala pa kang PDEA-Davao regional director Adzhar Albani unahon nila ang ang dakbayan sa Davao gumikan sa otso mil ka mga drug surrenderee ug duna ma’y active Cadac ang Davao City ug kini ang himoon nga model gumikan kay duna sila’y mga intervention.
Dugang pa niya nga ang uban nga local government units (LGUs) mamahimo lamang nga mokopya sa programa sa Cadac ug mogamit sa inisyatibo sa pagmugna sa ilang kaugalingon nga interventions aron sa pagsumpo sa illegal nga druga ug pagmugna ug holistic approach sa ilang kaugalingon nga mga surenderees.
Uban niini nga mga kalambo-an, si Albani mi-depensa sa hugtanon nga kampanya ni Pangulong Rodrigo Duterte, uban sa pagkanayon nga bisdan kung hugtanon ang pahimangno niini batok sa mga drug peddlers, apan ang tumong gayud niini mao ang pagtabang sa mga drug users sama sa makita human niini lagda-i ang executive order alang sa maong katuyu-an pinaagi sa 20-ka membro nga Inter-agency Committee on Anti-Illegal Drugs ug Anti-Illegal Drug Task Force.
