Gipaklaro ni House Deputy Majority Leader ug La Union Rep. Paolo Ortega, nga wala matud pay kalabutan sa impeachment complaints nga gipasaka batok kang Vice President Sara Duterte ang nahitabong Christmas fellowship sa mga magbabalaod kauban si Pangulong Ferdinand Marcos Jr nga gipahigayon sa Palasyo sa Malakanyang.
Matod pa ni Ortega, anaa sa 200 ka mga kongresista ang mitambong sa dinner ug ang highlight sa fellowship mao ang pagpresenta sa manifest of support sa Kamara ngadto sa Chief Executive.
Dugang pa sa magbabalaod, tumong sa fellowship dinner mao ang pagpakusog pa sa camaraderie ug ang pagpakita ug suporta sa administrasyon ni Pangulong Marcos jr., hinungdan walay kamatuoran ang mga balita nga migawas sa social media.
Dugay nang giplano ang nahisgutang fellowship dinner apan wala lamang nadayon kaniadto gumikan sa komplektong schedule apan nadayon kini karong bag-o lamang.
Sa dihang wala pa ang dinner, mihatag ug pagpamulong si Speaker Martin Romualdez ug gipresenta ang resolution of support nga unang giaprubahan sa plenaryo.
Dugang pa sa magbabalaod, wala usab nahisgutan ang politika ug gikanayon lamang sa pangulo sa mga kongresista nga himuon lamang ang ilahang trabaho.
