DAVAO CITY – Nagpahayag og pagka-alarma ang Commission on Human Rights (CHR) sa gikanayong pag-atake nga gihimo ngadto sa mga Indigenous People (IP) sa United Church of Christ in the Philippines (UCCP) Haran Compound diin nahimutang ang gatusan ka mga bakwit nga lumad.
Sumala pa kang CHR spokesperson Lawyer Jacqueline de Guia, makabalaka sumala pa ang sugyot nga closure order batok sa UCCP Haran diin nagtiner ang mga lumad.
Kahinumduman nga nahitabo ang insidente human ang gimugnang resolusyon sa Regional Peace and Order Council (RPOC) Davao nga nagmando sa hinanali nga pagpasira sa UCCP Haran tungod sumala pa sa mga nahimong kalapasan niini sama na lamang sa child abuse, serious illegal detention ug daghanan pa.
Gi-awhag karon sa CHO ang gobyerno nga tutukan ang kondisyon sa mga Lumad nga anaa sa UCCP Haran aron masiguro ang ilang mga katungod ug mahatag ang mga panginahanglanon.
Sa kasamtangan aduna na matud pay quick response team gikan sa CHR Davao ang gi-deploy aron nga magpahigayon og imbestigasyon sa gikanayong pagpangatake sulod sa compound.
