Padayon karon ang gihimong imbistigasyon sa kapulisan mahitungod sa usa ka chop-chop nga lawas sa tawo nga napalgan kagahapon sa udto( 11:16, Myerkules) sa kadagatan sa Purok 7, Brgy. Balasinon, Sulop, Davao del Sur.
Sumala sa Sulop Municipal Police Station nga padayon usab niini nga ginaila ang biktima nga walay nakitang sanina human gisulod sa sako.
Subay sa imbistigasyon sa mga otoridad, unang nabantayan sa mga mananagat ang patay nga lawas nga naglutaw-lutaw sa dagat.
Sumala pa, nagtuo lamang mga mananagat nga basura lamang nga milutaw sa maong dapit, apan sa ilahang pag-bri gitagu-tagud nga lawas sa tawo ang sulod sa sako nga puti.
Sumala pa sa mga otoridad, ang ulo sa biktima nakabalot sa puti nga packaging tape, ug ang duha ka bukton naputol.
Sumala pa sa kapulisan, gumikan sa grabeng mutilation, wala na mailhi ang biktima nga anaa na karon sa Brilliantes Funeral Homes, Sulop, samtang ginahulat pa ang post-mortem examination.
Wala pa usab makumpirma sa mga otoridad kung babae ba o lalaki anng nakaplgan nga cho-chop nga lawas.
Nanawagan usab karon ang kapulisan sa katawhan kung kinsa ang adunay na-missing sa ilahang kabanay, gilayon nga makig-alayon ngadto sa ilahang buhatan.
