Nasayran nga halos dili na makalusot ang mga oil ug gas shipping sa Strait of Hormuz, usa sa labing importanteng agianan nga nagkonekta sa oil-rich Persian Gulf ngadto sa open sea, samtang nagkagrabe ang tensyon sa rehiyon diin gipalig-on sa Iran ang mga pahimangno batok sa mga barko nga nagalawig niini.
Subay sa ship-tracking data, pipila lamang ka mga sakyanang-pandagat ang nilawig sa maong waterway niadtong Domingo, ug walay nakit-an nga misulod.
Nasayran nga usa ka gamay nga oil tanker ang gipasakahan og sanctioned sa Estados Unidos tungod sa pagtabang sa Iran sa pag-export sa fuel human nga gi-target sa northern coast sa Oman, bisan pa walay klaro kung kinsa ang anaa sa likod sa pag-atake.
Gibutyag ni Mohsen Rezaei, miyembro sa Expediency Discernment Council nga nagtambag sa supreme leader sa Iran, sa state television nga “no American ship is allowed to enter the Persian Gulf.”
Adunay mga barko usab nga nag-report samtang nakadungog og radio broadcast nga matud pa gikan sa Iranian navy nga nagbabag sa paglabay sa Strait, bisan pa wala’y opisyal nga anunsyo gikan sa gobyerno sa Iran.
Gilantaw ang Strait of Hormuz nga usa sa labing importante nga chokepoint sa energy market tungod kay gibanabanaan nga usa sa lima ka bahin sa seaborne oil ug liquefied natural gas (LNG) sa tibuok kalibutan ang nagalawig dinhi matag adlaw.
