DAVAO CITY – Sa taliabot nga bulan sa Agosto o atol sa kasaulogan sa Kadayawan Festival gikatakda ang paga-ablihan ang chocolate spa, ang labing una sa Mindanao ug sa tibuok kapupud-an nga nahimutang sa Malagos garden resort ning dakbayan.
Matud pa kang Rhea Pañares, marketing coordinator sa Malagos Garden Resort nga ang chocolate spa mao usa sa regular features nga itanyag sa publiko ug sa mga bisita sa ilang bag-ohay pa lamang nga gi-ablihan nga chocolate museum asa maong resort.
Sagad sumala pa nga makita sa maong chocolate spa ang mga materyales nga gikan sa cacao products sama sa cacao husks nga gihimong sabon ug scrubs.
Kahinumduman nga makita sab sulod sa museum kung paunsa gihimo ang mga chocolate pinaagi sa infographics, audio ug video presentations ingon man interactive displays nga mamahimo sumala pa nga makat-onan sa mga turista ug bisita.
Plano sab sa pagtukod sa maong museum nga awhagon ang mga bisita nga sudlon ang cacao farming ug production.
