Giawhag karon sa City Health Office-Tagum ang nagkadaiyang residente sa syudad nga moapil sa ipahigayong Search and Destroy Clean Up drive, ugmang adlawa.
Kini alayon sa padayong pagsaka sa ihap sa mga nataptan sa sakit nga dengue sa dakbayan.
Subay sa datos, duha na ang nakabsan sa kinabuhi gikan sa bulang Enero hangod Hunyo, samtang 25 usab ang mga nadungang nga kaso diin nakatampo sa 728 cumulative cases.
Nanguna gihapon sa maong ihap ang gikan sa Brgy. Viasayan Village, Mankilam, ug Apokon.
Alayon niini, padayon karon ang pagpaningkamot sa mga hingtungdang ahensya alang s apag-awhag sa mga kabalayan ug establishemento nga mosalmot sa maong aktibidad.
Kini subay na usab sa Executive Order No. 065 series of 2024 nga gimando ni Mayor Rey T. Uy.
Subli usab niining gipahinumduman ang katawhan sa 5S batok sa sakit nga mao ang search and destroy mosquito breeding places, secure self-protection, seek early consultation, support fogging and spraying alang lamang sa mga hotspot ug outbreak areas kalakip na ang pag sustena sa hydration.
Gikinahanglan matud pa ang pagtinabangay sa mga tagumenyos aron sa laraw nga pag-ubos sa maong ihap ug wala nay kinabuhi pang makalas.
