DAVAO CITY – Gibutyag sa City Health Office (CHO) nga nakatampo sa padayon nga pagsaka sa kaso sa Covid-19 sa dakbayan ang community transmission.
Sumala pa kang CHO acting head, Dr. Ashley Lopez nga subay sa resulta sa intensive case finding ug surveillance swabbing, namatikdan nga 60 percent sa positive Covid cases ang gikan sa community transmissions.
Nasayran nga usa ang siyudad karon sa nasod sa mga adunay pinakataas nga active cases.
Sa milabay sumala pa nga duruha ka semana, aduna sumala pay average ang siyudad nga 203 cases matag adlaw.
Kung dili sumala pa kini moubos, mamahimong moabot sa 5,000 ang ihap niini sa dili pa matapos ang semana.
Dako sab sumala pa ang tsansa nga mas daghanan pa nga kaso ang ma-detect.
Gawas sa community transmission, posibleng nakadugang sa kaso ang pagpadayon sa commercial flights ingon man sa returning Overseas Filipino Workers (OFW) nga tugtan nga makasulod ug gawas sa siyudad.
