-- ADVERTISEMENT --
DAVAO CITY – Nagpahimangno karon ang ahensiya sa City Health Office (CHO) sa mga sakit nga posibleng makuha panahon sa Summer.
Sumala pa kang City Health Office (CHO) head Josephine Villafuerte, kinahanglan nga pabiling limpiyo ang lawas ilabi na nga daghanang sakit ug skin deseases ang mamahimong makuha panahon sa ting-init diin kalakip sab niini ang sore eyes, bayu-ok ug daghanan pa.
Gitambag sab sa opisyal ngadto sa publiko nga batasanon ang paghugas sa kamot, mo-inom ug daghanang tubig aron makalikay sa heat stroke ug maligo ilabi na kung sobra ang kainit sa panahon.
Angayan sab sumala pa nga limpiyohan ang palibot ilabi na nga dili sab kalikayan ang pagsaka sa kaso sa dengue panahon sa summer.
