DAVAO CITY – Mihatag ug katin-awan si Acting City Health Officer Dr. Ashley Lopez kung nganong kinahanglan nga himuon sa mga private hospital ang pagbakuna ug COVID 19 Pfizer vaccines.
Sumala pa sa opisyal nga ang mga private hospital sa siyudad ang adunay igong temperatura ilabi na nga kinahanglan sumala pa nga 25 degree ang kabugnaw sa palibut sa higayon nga ma-ablihan na ang Pfizer vaccines.
Kahinumduman nga anaa sa unom ka mga pribadong hospital sa siyudad ang nagpahigayon ug pagbakuna gamit ang COVID 19 Pfizer vaccines diin gilangkuban kini sa Davao Medical School Foundation Hospital (DMSF) Brokenshire Integrated Health Ministries, Inc, (Brokenshire hospital), Gig Oca Robles Seamen’s hospital sa R. Castillo, Davao Doctors Hospital, San Pedro Hospital, ug Metro Davao Medical and Research Center ( MDMRC hospital).
Gawas sa mga hospital, nagpadayon sab karon ang pagbakuna sa mga senior citizen sa SM Lanang premier, SM City Davao-Ecoland, A. Mabini Elem. School, Matina Aplaya Elem. School, Malagos Elem. School, Crossing Bayabas National High School, Kor-Phil Vocational Training Center sa Bunawan, Calinan Central Elem. School ug Buhangin Elem. School.
Sa higayon nga pili-on sa mga senior citizen ang phizer, mas maayong moadto lamang sa nahisgutan nga mga hospital.
Una na sab nga gitambagan sa opisyal ang mga senior citizens nga kung aduna kini gibati sa lawas ug adunay gitumar nga tambal, mas maayong moadto una sa doktor aron nga mangayo ug rekomendasyon ayha bakunahan.
Target karon sa siyudad nga mabakunahan ang kapin 100,000 ka mga senior citizens.
