DAVAO CITY – Gisugyot karon ni acting head Davao City Health Office (CHO), Dr. Ashley Lopez, ang pagpatuman ug mandatory 14-day facility-based quarantine alang sa mga pasahero nga gikan sa National Capital Region (NCR) ug Cebu province.
Naglaom ang nahisgutan nga unta ang local COVID-19 Task Force ikonsidera ang nahisgutan nga lakang isip dugang nga pamaagi aron mapugngan ang pagsulod sa bag-ong variant sa coronavirus disease (COVID-19) cases.
Gipasabot niini nga ang “negative” reverse transcription-polymerase chain reaction (RT-PCR) test requirement nga subling gipatuman kaniadtong Marso 23 ang usa ka maayo nga pamaagi aton nga masubay gilayon ang positive cases sa mga air passengers ilabi na nga ang incubation period sa virus sagad molungtad ug pipila ka adlaw ayha mamahimong “clinically significant”.
Kini sumala pa ang rason nganong ang quarantine kinahanglan nga himuon sa pasilidad nga gitagana sa local government.
Nabalaka si Lopez sa posibilidad nga lisud mapugngan ang pagkatag sa virus kung dili mopailalom ang inbound passengers sa airport screening kini base na sab sa “negative” virus test results nga kinahanglan gikuha sulod sa 72 oras ayha ang biyahe niini pabalik sa Davao.
Girekomenda niini ang pag-abli ug mas daghanan pa nga mga quarantine facilities kalakip na ang 68-bed Crown Regency Residences Davao gumikan kay wala matud pa niini girekomenda ang 14-day home quarantine sa mga moabot nga pasahero gumikan sa posibilidad nga makalapas pa gihapon kini sa balaod.
