Gi-aresto sa National Bureau of Investigation (NBI) ug sa Armed Forces of the Philippines (AFP) ang usa ka Chinese national nga matod pa “spy” ug ang kakunsabong duha ka mga Filipino.
Matod pa hanas ang spy nga Chinese sa control engineering nga naaresto sa sulod sa sakyanan ug adunay duha ka mga kakunsabong Pinoy.
Gipahayag ni NBI Cybercrime Division chief Jeremy Lotoc nga adunay gihuptang mapa ang suspek kung asa sila mo-adto ug ang plano usab sa mga nahisgutan nga homan nila masuroy ang tibuok Luzon, ang sunod target sa mga nahisgutan mao ang Visayas ug Mindanao.
Dugang pa sa NBI, ang nahisgutang Chinese national ang nahi-abot sa Pilipinas lima katuig na ang nakalabay.
Gipahayag usab ni AFP chief-of-Staff Gen. Romeo Brawner, Jr., ang nahisgutang grupo nga gipangunahan sa Chinese spy ang nakasulod na usab sa lugar nga nahimutangan sa Enhanced Defense Cooperation Agreement (EDCA).
Dugang pa ni Brawner, posibleng ang koordinasyon ug ang topography ang mamahimong gamiton sa military purposes ug military targetting purposes.
Nagtuo usab ang opisyal nga nagsugod ang Chinese espionage niadtong milabay nga tuig sa dihang naaresto ang usa ka Chinese national gumikan sa paghupot ug mga kagamitan nga gigamit sa pagpangispiya.
