Mopahigayon og opisyal nga pagbisita si Chinese Pres. Xi Jinping sa North Korea gikan Hunyo 8 hangtod 9, sumala sa state news agency. Kini ang iyang unang pagbisita sa maong nasud sulod sa hapit pito ka tuig. Ang maong pagbisita nahitabo human sa managlahing summit nga gipahigayon ni Xi sa Beijing kauban si US Pres. Donald Trump ug Russian Pres. Vladimir Putin niadtong miaging bulan.
Kaniadto, tulo ka higayon nga nagkita sila Trump ug Kim Jong Un atol sa unang termino sa Amerikanong presidente. Gipadayag usab ni Trump nga andam siya nga makigtagbo pag-usab sa lider sa North Korea. Gipakusog sa Beijing ang paningkamot nga mapalawom pag-usab ang relasyon niini sa Pyongyang, ilabina human sa pandemya sa COVID-19 ug sa pagdugang sa kooperasyon sa North Korea ug Russia, diin nagpadala kini og tropa ug armas aron mosuporta sa gubat sa Ukraine.
