DAVAO CITY – Andam makipagdayalogo ang Chinese government alang sa pagpalugway sa ilang pakig-alayon ngadto sa lokal nga panggamhanan sa Davao City.
Gikanayon ni Chinese Consul General Li Lin nga gawas sa gilaumang resulta sa nagpahinabong pakig-istorya ni Pangulong Bongbong Marcos kang Chinese Prime Minister Xi Jin Ping, naghandum sab ang Chinese government nga lihukon ang ilang mga plano ug kooperasyon sa Davao City.
Sa mensaheng gipadayag ni Lin atol sa year end party sa Konsulada niadtong Disyembre, gikanayon niini nga hatud sa istilo sa pagdumala sa mga Tsino ang maayong oportunidad ug benepisyo tali ubang nasud, lakip ang Pilipinas.
Matud pa, dili lamang nahimong saksi ang China sa kalampusan sa nasud, kon dili, nisalmot sab kini sa mga kalihukan sa ekonomiya.
Andam kanunay ang konsulado sa China nga mamahimong kabahin sa pagpalig-on sa maayong relasyon sa Pilipinas ug China.
Usa sa mga nahimong timailhan niini ang ginatukod nga Samal Island-Davao City Connector Project.
Nagpadayag sab sa pagpasalamat ngadto sa China si Davao City Councilor Myrna Ortiz sa suporta niini sa mga lakang batok COVID19, diin nagdonar ang konsulado ug test kits, personal protective equipment, powered air-purifying respirators, disinfectant, ug surgical face masks kaniadtong 2020.
Tuig 2021 dihang nakadonar sab ug 1000 nga tablets ang China aron suportahan ang blended distance learning modality dinhi sa Davao City.
via || Bombo LJF
