Nagduda ang usa ka magbabalaod nga dugay nang mihimo ug halawom nga intelligence gathering ang China sa kadagatan sa Pilipinas.
Kini homan narekober ang usa ka submersible drone sa kadagatan sa Masbate nga gikatuhuang gipanag-iyahan sa China.
Gipahayag ni Surigao del Norte Rep. Robert Ace Barbers, dako ang posibilidad nga dugay na mihimo ug intel monitoring sa kadagatan sa nasud ang China ug posibleng kauban na niini ang mga datos sa deuterium.
Dugang pa sa magbabalaod, ang deuterium ang halapad nga gigamit sa prototype fusion reactors ug nagbaton usab kini ug application nga magamit sa military, industrial ug scientific fields.
Dugang pa sa kongresista nga sa nuclear fusion reactors gigamit kini isip tracer ug responsable sa pagpahinay sa neutrons sa mga heavy water moderated fission reactors.
Gikanayon pa ni Barbers nga gumikan sa nagkadakong competition sa kalibutan aron makapangita ug mga bag-ong makuhaan ug gasolina o enerhiya susama sa deuterium nga makaplagan lamang sa halawom nga dagat sa eastern seaboard sa nasud, dili halayo nga gusto usab sa China nga makuha kini.
Ang narekober nga China underwater drone nga adunay markang HY-119 ang naghisgot sa usa ka underwater navigation ug communication device nga mihatag ug dalan sa mga underwater vessel nga makiglambigit sa mga surface unit o satellite ug magpadala ug mudawat sa data, voice message ug navigation information.
