Gisaway sa China ang paglakip sa West Philippine Sea sa Google Maps. Gipamugos ni Chinese Foreign Ministry spokesperson Lin Jian ang gitawag nilang disputed water ang gigamit ug giila ug gidawat kuno sa international community lakip na ang mga nasud sa tibuok kalibutan ug international organizations susama sa United Nations.
Migawas sa Google Maps search sa Panatag shoal o Scarborough shoal nga nahimutang kini sa West Philippine Sea. Sa kabahin usab sa Pilipinas, gikalipay sa Armed Forces of the Philippines (AFP) ang paghilakip sa West Philippine Sea sa web mapping platform nga nagpalig-on sa pag-ila sa international community sa sovereign rights sa nasud ug nagpalig-on sa 2016 arbitral ruling ubos sa United Nations Convention on the Law of the Sea (UNCLOS).
Kahinumduman, opisyal nga gitawag nga west Philippine Sea ubos sa administrasyon sa namatay nga si kanhi Pangulong Benigno “PNoy” Aquino III. Sa administrasyon usab sa kanhi pangulo, nagpasaka ang Pilipinas ug arbitration case sa Permanent Court of Arbitration sa Hague aron supakon ang halapad nga pag-angkon sa China sa western part sa nasud.
Sa tuig 2016, gipaburan sa tribunal ang Pilipinas nga mipawala ug gahum sa 9-dash line claim sa China ug gikanayong wala kini legal nga basihanan.
