Nakadawat ug pagbatikos ang China sa pagsulay niini nga pugngan ang screening sa dokumentaryo sa Pilipinas sa West Philippine Sea sa usa ka film festival sa New Zealand.
Unang gikumperma sa Chinese consulate General sa Auckland, gipangayo niini sa festival organizers nga kanselahon ang pagpagawas sa Filipino documentary nga “Food Delivery: Fresh from the West Philippine Sea”.
Subay sa email gikan sa Chinese consulate, nakabutang nga puno kuno ang dokumentaryo sa disinformation ug false propaganda nga nagsilbing political tool sa pilipinas aron ipadayon ang dili kuno lehitimong claims niini sa giilugang kadagatan.
Apan gipahayag ni Doc Edge General manager Rachel Penman nga gibalibaran nila ang request sa Chinese consulate.
Samtang sa usa ka statement, mibarog ang Armed Forces of the Philippines (AFP) sa mga nagpaluyo sa award winning documentary sa pagdepensa sa kamatuoran ug soberensya sa nasud.
