DAVAO CITY – Malaumon si Davao City Social Services and Development Office head Maria Luisa Bermudo nga subling maangkon sa dakbayan ang most child-friendly award.
Kahinumduman nga mibisita dinhi sa dakbayan ang mga national validators gikan sa Department of Social Welfare and Development, Philippine National Police ug National Council for the Protection of Children aron nga mohatag sa ilang assessment sa programa nga alang sa mga bata sa dakbayan ingon man mohatag usab ug rekomendasyon.
Dugang ni Bermudo nga ang primary recommendation sa validating team mao ang pagsuta kung naka-sustiner ang siyudad sa mga programa alang sa panglawas, edukasyon, social welfare ug environment diin gipahigayon kini sulod sa usa ka semana sa mga piniling barangay sa Matina Biao, Calinan, Salaysay, Datu Salumay, Sasa, Buhangin, ug Mintal ning dakbayan.
Kahinumduman nga pipila ka higayon na nga naangkon sa siyudad ang susama nga pasidungog sa milabay nga mga katuigan.
