Nahitabo ang pagkaylap pag-usab sa sakit nga chikungunya karong 2025 sa 40 ka mga nasod, lakip na ang mga dapit nga dugay na nga wala makarehistro og kaso.
Gikan Enero hangtod Setyembre, miabot sa 445,271 ang kombinasyon sa mga gi-suspetahan ug kumpirmadong kaso, ug 155 ang namatay.
Bisan tuod ang ubang rehiyon nakatala og pagsaka sa kaso kumpara sa 2024, may mga lugar usab nga nabantayan nga mikunhod ang ihap.
Ang dili patas nga distribusyon sa mga kaso maoy hinungdan nga lisod matino kung kini ba usa ka global surge o dako nga kalat sa kalibutan.
Ang pagbiyahe sa mga tawo nga adunay impeksyon ug ang presensya sa lamok nga Aedes nagasaka sa risgo sa lokal nga transmisyon.
Lakip sa mga hinungdan sa pagkalat mao ang: kakulang sa immunity sa populasyon, urbanisasyon, climate change.
Gipahugtan karon ang panawagan sa World Health Organization (WHO) sa tanang nasod nga:palig-onon ang surveillance,kontrolon ang lamok ug andamon ang sistema sa panglawas batok sa posible pang pagsaka sa kaso.
