Nakahukom ang mga awtoridad sa Japan nga kanselahon ang cherry blossom festival karong tuiga kini human sa pagdagsa sa mga turista sa syudad sa Fujiyoshida.
Ang pagdaghan sa mga turista miresulta sa grabeng trapiko ug kagubot sa maong lugar.
Daghang mga residente ang nakasinati og mga turista nga misulod og nangguba sa ilahang pribadong mga tanaman.
Ang maong lugar nakadani og daghang turista matag tuig tungod kay sa maong mga panahon ang mga kahoy nga cherry nahimong lunhaw og light pink.
Nahimo kining mas madanihon tungod kay makita ang gibantog nga Mount Fuji sa background.
Ang mayor sa Fujiyoshida nga si Shigeru Horiuchi miingon nga ang desisyon gihimo aron mapanalipdan ang panginabuhian sa ilang mga tawo.
Kahinumduman nga niadtong Abril 2016, gipahibalo sa mga awtoridad nga ilahang abrihan ang Arakurayama Sengen Park sa mga turista.
Ang maong parke nagtanyag og panoramic view sa siyudad gikan sa Pagoda niini ug daghang makaagni nga mga talan-awon.
Sa pagkakaron, labing menos 10,000 ka mga bisita ang mobisita sa lugar matag adlaw, nga nagpalisod sa mga awtoridad sa pagkontrol niini.
