DAVAO CITY – Mas gipahugtan pa karon sa mga sakop sa kapulisan ang pagbantay sa mga checkpoint sa siyudad ilabi na nga nagpadayon ang pagsaka sa covid-19.
Una ng gibutyag ni Police Capt. Rose Aguilar, tigpamaba sa Davao City Police Office (DCPO) angayan nga bantayan ang mga quarantine control points kini aron masiguro nga mapatuman ang health protocols ingon man ang mga guidelines sa lokal nga kagamhanan.
Kalakip sa bantayan sa otoridad ang barrier, pagsuot ug face mask ug face shield ingon man ang social distancing sa mga pampublikong sakyanan.
Samtang ang mga pribadong sakyanan nga nagalatas usab sa checkpoint ang mopailalom sa hugtanon nga mga pagpangutana sama na lamang kung asa kini gikan ug asa kini padulong.
Tungod niini gipangayo karon sa otoridad ang pagsabot sa publiko ilabi na nga gibuhat lamang ang maong lakang alang sa kaayohan sa tanan.
