Gibutyag ni kanhing Ilocos Sur Governor Luis “Chavit” Singson nga ang 2022 elections na ang kataposang higayon nga iyang gisuportahan ang pamilya Marcos, human iyang mabati nga wala na siya giila sa administrasyon.
Sa usa ka programa gibutyag ni Singson nga gibuhat na niya ang tanang suporta sa kampanya ni Presidente Ferdinand “Bongbong” Marcos Jr., lakip na ang paggamit sa iyang personal nga kagamitan, subay sa hangyo sa igsuon ni Marcos nga si Senadora Imee Marcos.
Apan matod niya, pagkahuman sa eleksyon, mura na’g “naay Alzheimer’s” si Marcos tungod kay murag wala na kuno siya giila. Tungod niini, nagpahibalo si Singson nga moundang na siya sa pagsuporta sa bisan kinsang Marcos.
Dugang pa ni Singson, mao na guro ni ulahing pag suporta tungod dili na sila magkaila.
