DAVAO CITY – Gitino sa Land Transportation Office (LTO) nga usa pa gihapon ka kalapasan kung isuksok sa helmet ang cellphone samtang nagmaneho ug motorsiklo.
Nagpahimangno ang ahensiya nga ang nahisgutan dili lusot sa gipatuman nga anti-distracted driving act (ADDA).
Kahinumduman nga pipila sa mga motorcycle riders sagad magbutang ug cellphone sa ilang helmet aron lamang matubag ang tawag samtang nagmaneho apan dili sumala pa kini sakop sa “hand free” hinungdan nga mamahimong sikupon ang si bisan kinsa man nga makalapas sa balaud.
Gikanayon ni LTO XI chief of operations Eleanor Calderon nga dili sumala pa excuse ang maong rason ug tin-aw kini nga kalapasan sa balaud.
Una na sab nga gipahimangnoan ni Calderon ang ilang mga enforcers nga ang mga devices sama sa dash cameras ang dili sakop sa ADDA.
Mamahimo lamang mga tubagon ang tawag samtang nagmaneho gamit lamang ang hands-free functions sama sa speaker phones, microphones, ug uban pang susama nga butang.
