DAVAO CITY – Nagpahimangno karon si Alfredo Baluran, head sa City Disaster Risk Reduction and Management Office (CDRRMO) ngadto sa publiko nga likayan ang pag-panic sa higayon nga adunay masinatian nga kalamidad sama na lamang sa linog inay himuon lamang ang mga pamaagi nga nakat-onan sa earthquake drill ilabi na kung anaa sa sulod sa mga dagko ug tag-as nga mga gambalay.
Kahinumduman nga dinhi sa dakbayan sa Davao, nakaangkon lamang ug liki-liki ang pipila ka mga school building nga gigamit isip temporary treatment and monitoring facility apan dili sumala pa kini delikado.
Samtang tungod sa kakusog sa magnitude 7.1 nga linog nga nabati kagahapong adlawa, nabungkag ang daku nga glass nga pultahan sa Human Resource Management Office sa Tagum City Hall. Ginasubay pa sab karon sa City Engineering Office sa lugar ang uban pang parte sa gambalay ilabi na nga adunay namatikdan usab nga pagliki-liki usab sa bongbong sa Government Center ug gisubay pa sab ang City Cultural & Historical Center sa lugar.
