DAVAO CITY – Subling nanawagan sa katawhan si Alfredo Baloran, head sa City Disaster risk reduction and Management Office (CDRRMO) ngadto sa publiko nga kanunay mag-igmat karong panahona ilabi na nga magpadayon sab ang pagbundak sa ulan nga mamahimong mohatud ug mga pagbaha ug pagdahili sa yuta.
Tipik lamang ang pahayag sa opisyal human nga kalit nga misaka ang tubig baha sa Lasang river kagahapon nga miresulta sa pag-bakwit sa pipila ka mga residente sa lugar.
Nanawagan si Baloran sa mga lider sa BDRRMC sa matag barangay ilabi na ang mga Barangay kapitan nga magsilbing lider niini nga kanunay alerto ilabi na nga kini ang nasayod kinsa kadtong mga residente sa ilang dapit ang kinahanglan nga pabakwiton.
Gikanayon sab sa opisyal nga dili gayud kalikayan nga kalit mosaka ang tubig baha sa mga kasapaan ilabi na kung kini sab ang agi-anan sa tubig baha nga gikan sa mga kasikbit nga lugar.
