DAVAO CITY – Nanawagan si City Disaster Risk Reduction and Management Office (CDRRMO) head Alfredo Baluran sa katawhan ilabi na sa mga nanimuyo sa mga delikado nga lugar sama na lamang sa mga landslide ug flood prone areas nga kanunay mag-igmat aron nga dili mabutang sa risgo ang kinabuhi dungan sa pagsulod sa Bagyong Crising.
Sumala pa kang Baluran nga ang mga pag-ulan nga ihatud sa Bagyo mamahimong sumala pa nga mohatud ug mga pagbaha hinungdan nga kanunay nga alerto ang mga residente nga nanimuyo daplin sa kasapaan.
Samtang kung adunay ipatuman nga pre-emptive evacuation, angayan sumala pa nga imentina ang Social distancing ug pagpatuman sa health protocols sanglit nagpabilin pa gihapon ang bahad sa Covid-19.
ipasalig sab sa opisyal nga andam na sab karon ang mga rescuers aron nga muresponde sa mga dapit nga posibleng maapektohan sa mga pagbaha.
