Giduso sa CDRRMO nga dili na matud pa kinahanglang pabalikon ang mga pamilyang nagpuyo sa Purok 3, Sitio Quarry, Mundo Hill, Barangay Marilog human sa natigayong landslide nga nahitabo niadtong kagahapong adlawa, Mayo 8.
Gikoordinar ni CDRRMO Head Alfredo Baloran ang pagbakwit sa mga pamilya ngadto sa luwas nga lugar. Nasuta nga nihumok sumala pa ang yuta, rason nga midahili kini gumikan sa sagunson na nga pag-ulan.
Dugang pa nga gipahimangnuan na daan ang mga residente bahin sa kadelikado sa maong lugar.
Gipaniguro sab sa CSWDO ang paghatag og tabang ngadto sa tulo ka mga pamilya kon 13 ka mga indibidwal nga apektado.
Kahibaloang, kabsan sa kinabuhi ang lima ka buwan nga batang lalaki nga naigo sa landslide samtang anaa kini sa duyan, gideklarar kini nga dead on arrival sa Kibalang Hospital.
Gitahasan ni Baloran ang mga BRRMCs sa pagpahimangno sa tanang residente nga nagpuyo sa danger zones nga mag-igmat ug mamalhin na samtang nagapadayon ang mga pag-ulan.
