DAVAO CITY – Gikanayon ni Lyndon Leovie Ancajas, City Disaster Risk Reduction and Management Office (CDRRMO) administration and Training chief, nga mahinungdanon nga adunay igong kaalam ang katawhan sa Disaster preparedness bisan pa man nga padayon pa gihapon nga nasinatian karon ang pandemiya nga hatud sa Covid-19.
Tipik lamang ang pahayag sa opisyal human ang sunod-sunod nga pagtay-og nga nasinatian sa dakbayan ug sa Davao region sa milabay nga adlaw.
Gikanayong dali lamang ang mamahimong lakang sa higayon nga masinatian ang disaster apan kinahanglan adunay igong kasayuran ang usa ka indibidwal.
Gitataw sab ni Ancajas nga ang Disaster preparedness adunay unom ka mga component nga kinahanglan hinumdumon sa mga katawhan diin gilangkuban kini sa organize, develop, equip, train, drills and exercises.
Mahinungdanon sumala pa ang nahisgutan nga mga butang aron nga maluwas ang kaugalingon sa bisan unsa man nga kalamidad.
Mas maayo sab sumala pa nga dili magpanic ilabi na kung adunay masinatian nga linog inay himuon lamang ang mga pamaagi nga makaluwas sa kaugalingon.
