DAVAO CITY – Nakigtagbo ang City Disaster Risk Reduction and Management Office (CDRMMO) ngadto sa mga residente daplin sa kadagatan aron nga pahimangnoan ang mga nahisgutan nga mangandam sa higayon nga adunay mo-igo nga monsoon waves.
Sumala pa kang CDRRMO officer in charge Alfredo D. Baloran, nga pipila sa ilang gibisita ang mga barangay 22-C, 23-C, ug 76-A.
Samtang sa mosunod nga semana, sunod nila nga bisitahon ang Tibungco, Bunawan District. Gipasabot ni Baloran nga ang Monsoon waves ubanan sa mga dagkong balod nga hatud sa southwest monsoon o hanging habagat.
Tumong sa ilang gipahigayon nga dayalogo ngadto sa mga residente nga mapasabpt ang kamahinungdanon sa pagpangandam ug kung unsa ang mamahimong epekto nga ihatud sa monsoon waves ug uban pang daut nga kahimtang sa panahon sa mga residente nga nanimuyo sa nahisgutan nga dapit.
Una ng gipahimangnoan sa opisyal nga kung madungog sa mga residente ang warning signal sounds, kinahanglan nga mihiklin gilayon ang mga residente sa lugar.
