Nanawagan karon ang Catholic Bishops’ Conference of the Philippines (CBCP) sa publiko nga hunongon na ang pagpangampanya alang kang Luis Antonio Cardinal Tagle nga mahimong sunod nga Santo Papa.
Sumala ni CBCP Episcopal Commission on Public Affairs executive secretary Fr. Jerome Secillano, kung mapili man gani si Tagle, posible nga negatibo ang pagtan-aw sa ubang mga nasud. Tingali hunahunaon nila nga adunay grupo nga misulay pag-impluwensiya sa conclave. Sumala pa ni Secillano nga respetohon ang pagka-independente sa mga mopili nga cardinal-electors.
Mas maayo sumala pa nga buhaton karon mao ang pag-ampo alang kang Tagle ug sa ubang cardinal-electors. Ang 67-anyos nga si Tagle ang kasamtangang Pro-Prefect sa Dicastery for Evangelization.
Nasayran nga sa siya sa mga ‘papabili’ o posible nga mamahimong sunod nga Santo Papa.
