DAVAO CITY – Padayon karon ang gihimong lakang sa munisipalidad sa Cateel Davao Oriental aron nga mapugngan lamang ang pagsaka sa kaso covid-19.
Kahinumduman nga gipatuman karon ang total lockdown sa lugar hatud sa nagpadayon nga pagtaas sa ihap sa mga active Covid-19 cases.
Una ng gitahasan ang Provincial Task Force (PTF) Covid-19 nga istriktong motamud sa gipatuman nga zoning containment strategy sa lalawigan.
Kalakip sa maong kamandoan ang strict lockdown sa mga area aron nga mamonitor pag-ayo ang minimum health standards, mapahugtan ang contact tracing, quarantine sa close contacts ug isolation sa confirmed cases.
Una ng gibutyag ni Dr. Reden Bersaldo, action officer sa TF onCovid-19 sa Davao oriental nga temporaryo una nga ginadili karon ang pagbiyahe paingon sa gawas ug pasulod sa munisipalidad gawas laman kung emerhensiya.
Gitambagan sab sa lokal nga kagamhanan ang mga residente sa lugar nga likayan ang “mass gatherings” nga sagad maggikan ang transmission sa virus.
