-- ADVERTISEMENT --
Sugdan karong adlawa Hulyo 17, 2026 ang pag-apod-apod sa annual cash subsidy alang sa mga persons with disability (PWD) sa Davao City.Sumala ni Redendo Martinez, head sa Davao City Persons with Disability Affairs Office (PDAO), kabahin ang maong programa sa mga kalihokan sa National Disability Rights Week, nga ginasaulog gikan Hulyo 17 hangtod 23.
Ilusad ang programa sa Rizal Park, diin unang makadawat ang 500 ka PWD gikan sa Barangay 1-A hangtod Barangay 5-A. Sunod nga iskedyulon sa PDAO ang pag-apod-apod sa cash subsidy sa ubang mga barangay.Base sa pinakabag-ong datos sa PDAO, kapin 33,000 ka rehistradong PWD sa Davao City ang makadawat og ₱1,500 nga annual cash subsidy.
