DAVAO CITY – Aprobado na sa ika-dese otso nga konseho ning dakbayan sa Davao ang tabang panalapi nga alang sa mga nangamatay na nga mga tigulang dinhi sa dakbayan sa Davao.
Nasayran nga niadtong Disyembre pa lamang sa milabay nga tuig aprobado na ang tabang panalapi alang sa mga nangamatay na nga mga senior citizens.
Singko mil ka pesos ang gigahin lang sa mga tigulang, wala pa’y labot niini ang sa Lingap.
Sumala pa kang Konsehal Victorio Advencula nga ang Lingap alang niadtong mga dunay balati-an ug wala’y labot sa mga senior citizens nga nangamatay na.
Sukwahi kini sa mga tabang matag tawo nga gikan sa CSSDO ug sa City Mayor Office.
Gipahimutang na nila sa tseke nga singko mil ka pesos nga madawat sa mga senior citizens ug kinahanglan nga mahimo-an ug sakto nga record sa OSCA ug sa CSSDO.
